Оглавление 3

301  СОКРАЩЕННАЯ ВЕЛИКАЯ ЕКТЕНИЯ

Д: Паки и паки миром Господу помолимся. Х: Господи, помилуй.

Д: О свышнем мире и спасении душ наших,
   Господу помолимся.
Х: Господи, помилуй.

Д: О мире всего мира,
   благостоянии святых Божиих церквей,
   и соединении всех,
   Господу помолимся.
Х: Господи, помилуй.

Д: О святем храме сем
   и с верою, благоговением и страхом Божиим входящих в онь,
   Господу помолимся.
Х: Господи, помилуй.

Д: О изабавитися нам от всяких скорби, гнева и нужды,
   Господу помолимся.
Х: Господи, помилуй.

Д: Заступи, спаси, помилуй и сохрани нас,
   Боже, Твоею благодатию.
Х: Господи, помилуй.

Д: Премудрость. И: Яко да под державою Твоею всегда храними,
   Тебе славу возсылаем,
   Отцу и Сыну и Святому Духу, ныне и присно и во веки веков.
Х: Аминь.
Оглавление 3

302  ХЕРУВИМСКАЯ ПЕСНЬ, 1-АЯ ЧАСТЬ

Х: Иже херувими тайно образующе
   и животворящей Троице трисвятую песнь припевающе,
   всякое ныне житейское отложим попечение.

303  ВЕЛИКИЙ ВХОД И ПЕРЕНОС СВ.ДАРОВ

Д: Православное епископство гонимыя Церкве Российския,
   и господина нашего высокопреосвященейшаго Виталия,
             \митрополита Восточно-Американскаго и Нью-Иоркскаго,
             \первоиерарха Русския Зарубежныя Церкве,
   и господина нашего преосвященейшаго Антония архиепископа
             \Западно Американскаго и Сан Францискаго,
   да помянет Господь Бог во царствии Своем,
   всегда, ныне и присно и во веки веков.

И: Сраждущую страну нашу Российскую и православныя люди ея,
   во отечествии и разсеянии сущия,
   страну сию, правителей и верою живущих в ней,
   и всякую христианскую страну,
   да помянет Господь Бог во царствии Своем,
   всегда, ныне и присно и во веки веков.

И: Всех гонимых и страждущих за святую веру православную,
   да помянет Господь Бог во царствии Своем.
   всегда, ныне и присно, и во веки веков.

И: Священство, монашество, диаконство, ктиторов,
   основателей, благоукрасителей,
   поющих, сестричество, учащих и учащихся,
   прихожан святаго храма сего,
   вас и всех православных христиан,
   да помянет Господь Бог во царствии Своем,
   всегда, ныне и присно, и во веки веков.

М: Протоиерейство твое да помянет Господь Бог во царствии Своем.
   (М - молящиеся)

   (После входа)
Х: Аминь.
Оглавление 3

304  ХЕРУВИМСКАЯ ПЕСНЬ, 2-АЯ ЧАСТЬ

Х: Яко да Царя всех подъимем,
   Ангельскими невидимо дориносима чинми.
   Аллилуиа, аллилуиа, аллилуиа.

305  ПРОСИТЕЛЬНАЯ ЕКТЕНИЯ, 1-АЯ

Д: Исполним молитву нашу Господеви. Х: Господи, помилуй.

Д: О предложенных честных дарех,
   Господу помолимся.
Х: Господи, помилуй.

Д: О святем храме сем
   и с верою, благоговением и страхом Божиим входящих в онь,
   Господу помолимся.
Х: Господи, помилуй.

Д: О избавитися нам от всякия скорби, гнева и нужды,
   Господу помолимся.
Х: Господи, помилуй.

Д: Заступи, спаси, помилуй и сохрани нас, Боже, Твоею благодатию.
Х: Господи, помилуй.

Д: Дне всего совершенна, свята, мирна и безгрешна
   у Господа просим.
Х: Подай Господи.

Д: Ангела мирна, верна наставника, хранителя душ и телес наших
   у Господа просим.
Х: Подай Господи.

Д: Прощения и оставления грехов и прегрешений наших
   у Господа просим.
Х: Подай Господи.

Д: Добрых и полезных душам нашым и мира мирови
   у Господа просим.
Х: Подай Господи.

Д: Прочее время живота нашего в мире и покаянии скончати
   у Господа просим.
Х: Подай Господи.

Д: Христианския кончины живота нашего,
   безболезненны, непостыдны, мирны
   и добраго ответа на страшнем судищи Христове просим.
Х: Подай Господи.

Д: Пресвятую, пречистую, преблагословенную,
   славную Владычицу нашу Богородицу и Приснодеву Марию,
   со всеми святыми помянувше, сами себе и друг друга
   и весь живот наш Христу Богу предадим.
Х: Тебе, Господи.

И: Щедротами Единороднаго Сына Твоего,
   с Нимже благословен еси,
   со пресвятым и благим и животворящим Твоим Духом,
   ныне и присно и во веки веков.
Х: Аминь.

306  ВНУШЕНИЕ ДИАКОНОМ МИРА, ЛЮБВИ И ЕДИНОМЫСЛИЯ

И: Мир всем. Х: И духови твоему.

Д: Возлюбим друг друга, да единомыслием исповемы. Х: Отца и Сына и
Святого Духа, Троицу единисущную и нераздельную.
Оглавление 3

307  ПЕНИЕ СИМВОЛА ВЕРЫ

Д: Двери, двери, премудростию вонмем.

Х: 1. Верую во единого Бога Отца,
      Вседержителя,
      Творца небу и земли, видимым же всем и невидимым.

   2. И во единаго Господа Иисуса Христа, Сына Божия,
      Единороднаго,
      Иже от Отца рожденнаго прежде всех век:
      Света от Света, Бога истинна от Бога истинна,
      рожденна, несотворенна,
      единосущна Отцу, Имже вся быша.

   3. Нас ради человек и нашего ради спасения сшедшаго с небес
      и воплотившагося от Духа Свята
      и Марии Девы вочеловечшася.

   4. Распятого же за ны при Понтийстем Пилате,
      и страдавша, и погребенна.

   5. И воскресшаго в третий день по писанием.

   6. И возшедшаго на небеса,
      и седяща одесную Отца.

   7. И паки грядущаго со славою судити живым и мертвым,
      Егоже Царствию не будет конца.

   8. И в Духа Святаго, Господа животворящаго,
      Иже от Отца исходящаго,
      Иже со Отцем и Сыном спокланяема и сславима,
      глаголавшаго пророки.

   9. Во едину святую, соборную и Апостольскую Церковь.

   10. Исповедую едино крещение во оставление грехов.

   11. Чаю воскресения мертвых:

   12. И жизни будущаго века. Аминь.
Оглавление 3

308  "СТАНЕМ ДОБРЕ"

Д: Станем добре, станем со страхом: вонмем,
   святое возношение в мире приносити.
Х: Милость мира, жертву хваления.

И: Благодать Господа нашего Иисуса Христа,
   и любы Бога и Отца,
   и причастие Святаго Духа
   буди со всеми вами.
Х: И со духом твоим.

И: Горе имеим сердца. Х: Имамы ко Господу.

И: Благодарим Господа.
Оглавление 3

309  ЕВХАРИСТИЧЕСКАЯ МОЛИТВА

Х: Достойно и праведно есть покланятися Отцу и Сыну и Святому
   Духу, Троице единосущней и нераздельней.

И: Победную песнь поюще, вопиюще, взывающе и глаголюще.

Х: Свят, свят, свят Господь Саваоф,
   исполнь небо и земля славы Твоея,
   осанна в вышних,
   благословен грядый во имя Господне,
   осанна в вышних.

И: Приимите, ядите, сие есть Тело Мое,
   еже за вы ломимое во оставление грехов.
Х: Аминь.

И: Пийте от нея вси,
   сия есть Кровь Моя новаго завета,
   яже за вы и за многия изливаемая
   во оставление грехов.
Х: Аминь.
Оглавление 3

310  ОСВЯЩЕНИЕ СВ.ДАРОВ

И: Твоя от Твоих Тебе приносяще о всех и за вся.

Х: Тебе поем, Тебе благословим, Тебе благодарим,
   Господи, и молим Ти ся, Боже наш.

311  "ДОСТОЙНО ЕСТЬ"

И: Изрядно о Пресвятей, Пречистей, Преблагословенней, Славней
   Владычице нашей Богородице и Приснодеве Марии.

Х: Достойно есть, яко воистину, блажити тя Богородицу,
   присноблаженную и пренепорочную и Матерь Бога нашего.
   Честнейшую херувим и славнейшую без сравнения серафим,
   без истления Бога Слова рождшую,
   сущую Богородицу Тя величаем.
Оглавление 3

312  ПОМИНОВЕНИЕ ЖИВЫХ И УМЕРШИХ (с7;л13)

И: Во первых помяни, Господи,
   православное епископство гонимыя Церкве Российския,
   и господина нашего высокопреосвященейшаго,
   митрополита Виталия, первоиерарха Русския Зарубежныя Церкве,
   и господина нашего преосвященейшаго архиепископа Антония,
   ихже даруй святым Твоим церквам,
   в мире, целых, честных, здравых, долгоденствующих,
   право правящих слово Твоея истины.

Х: И всех и вся.

313  ВНУШЕНИЕ СВЯЩЕННИКОМ МИРА, ЛЮБВИ И ЕДИНОМЫСЛИЯ

И: И даждь нам единеми усты и единем сердцем
   славити и воспевати пречестное и великолепое имя Твое,
   Отца и Сына и Святого Духа, ныне и присно и во веки веков.
Х: Аминь.

И: И да будут милости великаго Бога
   и Спаса нашего Иисуса Христа со всеми вами.
Х: И со духом твоим.
Оглавление 3

314  ПРОСИТЕЛЬНАЯ ЕКТЕНИЯ, 2-АЯ

Д: Вся святыя помянувше, паки и паки миром
   Господу помолимся.
Х: Господи, помилуй.

Д: О принесенных и освященных честных Дарех,
   Господу помолимся.
Х: Господи, помилуй.

Д: Яко да Человеколюбец Бог наш,
   прием я во святый и пренебесный и мысленный Свой жертвенник,
   в воню благоухания духовнаго,
   вознипослет нам Божественную благодать и дар Святаго Духа,
   Господу помолимся.
Х: Господи, помилуй.

Д: О избавитися нам от всякия скорби, гнева и нужды,
   Господу помолимся.
Х: Господи, помилуй.

Д: Заступи, спаси, помилуй и сохрани нас, Боже,
   Твоею благодатию.
Х: Господи, помилуй.

Д: Дне всего совершенна, свята, мирна и безгрешна
   у Господа просим.
Х: Подай Господи.

Д: Ангела мирна, верна наставника, хранителя душ и телес наших
   у Господа просим.
Х: Подай Господи.

Д: Прощения и оставления грехов и прегрешений наших
   у Господа просим.
Х: Подай Господи.

Д: Добрых и полезных душам нашым и мира мирови
   у Господа просим.
Х: Подай Господи.

Д: Прочее время живота нашего в мире и покаянии скончати
   у Господа просим.
Х: Подай Господи.

Д: Христианския кончины живота нашего,
   безболезненны, непостыдны, мирны
   и добраго ответа на страшнем судищи Христове просим.
Х: Подай Господи.

Д: Соединение веры и причастие Святаго Духа испросивше,
   сами себе и друг друга
   и весь живот наш Христу Богу предадим.
Х: Тебе, Господи.
Оглавление 3

315  ПЕНИЕ "МОЛИТВЫ ГОСПОДНЕЙ"

И: И сподоби нас, Владыко,
   со дерзновением, неосужденно смети призывати Тебе,
   Небеснаго Бога Отца, и глаголати:

Х: Отче наш, Иже еси на небесех!
   да святится имя Твое,
   да приидет Царствие Твое:
   да будет воля Твоя,
   яко на небеси и на земли.
   Хлеб наш насущный даждь нам днесь:
   и остави нам долги нашя,
   якоже и мы оставляем должником нашым:
   и не введи нас во искушение,
   но избави нас от лукавого.

И: Яко Твое есть Царство и сила и слава,
   Отца и Сына и Святаго Духа,
   ныне и присно и во веки веков.

Х: Аминь.
Оглавление 3

316  ВОЗНОШЕНИЕ СВ.ДАРОВ

И: Мир всем. 
Х: И духови твоему.

Д: Главы вашя Господеви приклоните. 
Х: Тебе, Господи.

И: Благодатию и щедротами и человеколюбием
   Единороднаго Сына Твоего,
   с Нимже благословен еси,
   со пресвятым и благим и животворящим Твоим Духом,
   ныне и присно и во веков веков.
Х: Аминь.

Д: Вонмен. И: Святая святым. 
Х: Един свят, един Господь, Иисус Христос,
   во славу Бога Отца, аминь.
Оглавление 3

317  ПРИЧАЩЕНИЕ СВЯЩЕННОСЛУЖИТЕЛЕЙ

Х: Хвалите Господа с небес, хвалите Его в вышних.
   Аллилуиа, аллилуиа, аллилуиа.


318  ПРИЧАЩЕНИЕ МИРЯН

Д: Со страхом Божиим и верою приступите.

Х: Благословен грядый во имя Господне, Бог Господь, и явися нам.

И: Верую, Господи, и исповедую,
   яко ты еси воистину Христос, Сын Бога живаго,
   пришедший в мир грешныя спасти,
   от них же первый есмь аз.

   Еще верую, яко сие есть самое пречистое тело Твое,
   и сия есть самая честная кровь Твоя.

   Молюся убо Тебе: помилуй мя,
   и прости ми прегрешения моя вольная и невольная:
   яже словом, яже делом, яже ведением и неведением:
   и сподоби мя неосужденно причаститися пречистых Твоих таинств,
   во оставление грехов и в жизнь вечную. Аминь.

   Вечери Твоея тайныя днесь,
   Сыне Божий, причастника мя приими:
   не бо врагом твоим тайну повем.
   Ни лобзания Ти дам яко Иуда,
   но яко разбойник исповедаю Тя:
   помяни мя Господи, во царствии Твоем.

   Да не в суд, или во осуждение
   будет мне причащение святых Твоих таин Господи,
   но во исцеление души и тела, аминь.

   (Причастники причащаются и хор поет)
Х: Тело Христово приимите, источника безсмертнаго вкусите.

   (После причастия хор поет)
Х: Аллилуиа, аллилуиа, аллилуиа.
Оглавление 3

319  ВОЗГЛАС "СПАСИ, БОЖЕ, ЛЮДИ ТВОЯ" И "ВИДЕХОМ СВЕТ ИСТИННЫЙ"

И: Спаси, Боже, люди Твоя и благослови достояние Твое.

Х: Видехом свет истинный,
   прияхом Духа Небеснаго,
   обретохом веру истинную,
   нераздельней Троице покланяемся:
   Та бо нас спасла есть.

320  "ДА ИСПОЛНЯТСЯ УСТА НАШИ"

И: Всегда, ныне и присно и во веков веков. Х: Аминь.

Х: Да исполнятся уста наша хваления Твоего, Господи,
   яко да поем славу Твою,
   яко сподобил еси нас причаститися святым Твоим,
   Божественным, безсмертным и животворящым Тайнам:
   соблюди нас во Твоей святыни,
   весь день поучатися правде Твоей.
   Аллилуиа, аллилуиа, аллилуиа.
Оглавление 3

321  БЛАГОДАРСТВЕННАЯ ЕКТЕНИЯ ЗА ПРИЧАЩЕНИЕ

Д: Прости, приимше Божественных, святых, пречистых, безсмертных,
   небесных и животворящих, страшных Христовых Таин,
   достойно благодарим Господа.
Х: Господи, помилуй.

Д: Заступи, спаси, помилуй и сохрани нас, Боже, Твоею благодатию.
Х: Господи, помилуй.

Д: День весь совершен, свят, мирен и безгрешен испросивше,
   сами себе и друг друга
   и весь живот наш Христу Богу предадим.
Х: Тебе, Господи.

И: Яко Ты еси освящение наше,
   и Тебе славу возсылаем,
   Отцу и Сыну и Святому Духу,
   ныне и присно и во веки веков.
Х: Аминь.
Оглавление 3

322  ЗААМВОННАЯ МОЛИТВА

И: С миром изыдем. Х: О имени Господни.

Д: Господу помолимся. Х: Господи, помилуй.

И: Благословляяй благословящыя Тя, Господи,
   и освящаяй на Тя уповающыя,
   спаси люди Твоя и благослови достояние Твое,
   исполнение церкве Твоея сохрани,
   освяти любящыя благолепие дому Твоего:
   Ты тех воспрославли Божественною Твоею силою,
   и не остави нас уповающих на Тя.

   Мир мирови Твоему даруй,
   церквам Твоим, священником, и всем людем Твоим.

   Яко всякое даяние благо, и всяк дар совершен свыше есть,
   сходяй от Тебе Отца светов:
   и Тебе славу, и благодарение, и поклонение возсылаем,
   Отцу и Сыну и Святому Духу, ныне и присно и во веки веков.
Х: Аминь.
Оглавление 3

323  "БУДИ ИМЯ ГОСПОДНЕ БЛАГОСЛОВЕННО" И ПСАЛОМ 33


323А  "БУДИ ИМЯ ГОСПОДНЕ БЛАГОСЛОВЕННО"

Х: Буди Имя Господне благословенно отныне и до века. (Трижды).

323Б  ПСАЛОМ 33 (лг)

Ч: 33:2.  Благословлю Господа на всякое время,
          выну хвала его во устех моих.

      3.  О Господе похвалится душа моя:
          да услышат кротции и возвеселятся.

      4.  Возвеличите Господа со мною,
          и вознесем имя Его вкупе.

      5.  Взысках Господа со мною,
          и от всех скорбей избави мя.

      6.  Приступите к Нему и просветитеся,
          и лица ваша не постыдятся.

      7.  Сей нищий воззва, и Господь услыши и,
          и от всх скорбей его спасе и.

      8.  Ополчится аггел Господень
          окрест боящихся Его и избавит их.

      9.  Вкусите и видите, яко благ Господь:
          Блажен муж, иже уповает нань.

      10. Бойтеся Господа, вси святии Его,
          яко несть лишения боящымся Его.

      11. Богатии обнищаша и взалкаша:
          взыскающии же Господа
          не лишатся всякаго блага.
Оглавление 3

324  ПОСЛЕДНЕЕ БЛАГОСЛОВЕНИЕ СВЯЩЕННИКА

И: Благословение Господне на вас,
   Того благодатию и человеколюбием,
   всегда, ныне и присно и во веки веков.
Х: Аминь.

И: Слава Тебе, Христе Боже, упование наше, слава Тебе.

Х: Слава Отцу и Сыну и Святому Духу,
   ныне и присно и во веки веков, аминь.
   Господи, помилуй. (Трижды).

И: Воскресый из мертвых Христос истинный Бог наш,

   молитвами Пречистыя Своея Матери,
   святых славных и всехвальных Апостол,
   иже во святых отца нашего Иоанна, архиепископа Константинограда
   (имя святых, которых храм и день),                 \Златоустаго,
   Святых Новомучеников и Исповедников Российских
   и Всех святых в земле Российстей просиявших,
   святых и праведных Богоотец Иоакима и Анны
   и всех святых,

   помилует и спасет нас, яко благ и Человеколюбец.

   (Многолетие)
Х: Преосвященное епископство гонимыя Церкве Российския
   Архиерейский собор Зарубежныя Русския Церкве
   Господина нашего высокопреосвященнейшаго Виталия Митрополита
         \Восточно-Американскаго и Нью-Иоркскаго
   И господина нашего преосвященнейшаго Антония
         \архиепископа Западно-Американскаго и Сан-Францискаго

   Страждущую страну нашу и вся верныя чада ея
   во отечестве и разсеянии сущия, во узах и заточении томящияся

   и сию страну, правителей и воинство ея,

   братию святаго храма сего и вся православныя христианы,

   Господи, сохрани на многая лета.
Оглавление 3